Нар буцах өдөр буюу 2025 оны 06-р сарын 22-ны энэ өдөр нар хамгийн өндөрт мандаж, маргаашаас эхлээд хөөрөх цаг нь буурдаг буюу жилийн хамгийн урт өдөр хамгийн богино шөнө болдог учир монголчууд “Нар буцах өдөр” гэж нэрлэдэг. Байгалийн болон зурхайн хувьд Зуны Тэгш Өдөр – Summer Solstice (Хойд Хагасд) нар хамгийн өндөрт мандаж, гэрэл, дулаан хамгийн дээд цэгтээ хүрнэ. Энэ өдөр хийж болох зүйлс:

Байгальд алхах, модонд талархал илэрхийлэх.

Дотоод ертөнцөө тайтгаруулах бясалгал хийх.

Гэр бүл, хайртай хүмүүстэй цагийг өнгөрөөх.

Найман тэрбум хүн, олон тэрбум ан амьтан, өчнөөн их наядаар тоологдох хорхой шавьж болон амьд биетүүд амьдарч буй The Terra, The Earth, The Globe гэж нэрлэгддэг манай гараг өнөөдрийн байдлаар нарнаас 151,962.3 мянган км-ын алсад оршиж байна. Хэдийгээр энэ сарын 21-нээс 22-ны шөнө оны хамгийн богино шөнө, 22-нд хамгийн урт өдөр тохиох хэдий ч одон орны үүднээс нар ба дэлхий хоорондын зай хамгийн холдох өдөр бол 2025 оны 07-р сарын 04-нөөс 07-ны өдрүүдэд тохиож хоорондын зай нь 152.1 сая км-т хүрнэ. Энэ цаг үеийг одон орны шинжлэх ухаанд Aphelion гэж нэрлэдэг байна.