“Хэрэглээний шинжлэх ухаан ба инженерчлэл” олон улсын хурал (ICASE-2025) 06 сарын 09-нөөс 10-ны өдрүүдэд Монгол Улсын Шинжлэх Ухаан Технологийн Их Сургуульд амжилттай болж өндөрлөлөө. Тус олон улсын хурал 2019 оноос эхэлсэн бөгөөд өдгөө IV удаа зохион байгуулагдаж буй юм. Энэ удаагийн хуралд нийт 9 орны 120 гаруй эрдэмтэн, судлаачид математик, хими, физик, инженерчлэл гэсэн дөрвөн салбараар хуралдан эрдэм шинжилгээний олон сайхан бүтээлүүдээ танилцуулснаараа онцлог болсон юм. Олон улсын хуралд хэлэлцүүлсэн бүтээлүүдээс  Springer Nature хэвлэлийн газрын шаардлагыг хангасан бүтээлүүд нь Springer Nature хэвлэлийн газрын Scopus-д бүртгэл бүхий тусгай дугаарт хэвлэгдэх юм.