“Хүрээ цам–Даншиг наадам 2025” энэ амралтын өдрүүдэд буюу зургаадугаар сарын 28, 29-нд Хүй долоон худагт болно. Наадамчдын ая тухыг хангах зорилгоор Улаанбаатар өртөөнөөс Хүй долоон худаг чиглэлд тусгай галт тэрэг явуулахаар болжээ.

Галт тэрэг Улаанбаатар–Давааны зөрлөг (Хүй 7 худаг)–Улаанбаатар чиглэлд өдөрт гурван удаа хөдлөх бөгөөд нэг чиглэлд гурван вагон аялна. Нэг вагон 81 суудалтай ч ойрын зайнд зорчих тул 130–150 хүн тээвэрлэх боломжтой аж.

Наадамчдыг Давааны зөрлөгөөс наадмын талбай хүртэл нийтийн тээврийн автобусаар тээвэрлэнэ.

Эхний галт тэрэг өглөөний 08:00 цагт Улаанбаатараас хөдөлж, 08:50 цагт Давааны зөрлөгт зогсоно. Харин буцах галт тэрэг 10:06-д хөдөлж, 10:55-д Улаанбаатар өртөөнд хүрнэ.

Улаанбаатар өртөөнөөс Давааны зөрлөг хүртэл аялах галт тэрэгний цагийн хуваарь:

УБ 08:00 – ДЗ 08:50
УБ 14:00 – ДЗ 14:50
УБ 19:30 – ДЗ 20:20

Давааны зөрлөгөөс Улаанбаатар өртөө хүртэл аялах галт тэрэгний цагийн хуваарь:

ДЗ 10:06- УБ 10:55
ДЗ 16:16 –  УБ 17:05
ДЗ 21:26 – УБ 22:15

Эх сурвалж: gogo.mn